2 رێبهندان یا بههمهن سال 1324 شهمسی رۆژێک که ئهراێ یهکم جار مێلهت کورد رهنگ حۆکومهت وه خۆێیهو دی :
مێلهت کورد یهکێک له مێلهتهیل گهورا و خاون تاریخ و فهرههنگ و زوان و ئهدهبیات و جهمعیهت فرهس که وه داخهوه تا ئێگه نهتیوهنسیه ئهراێ خۆێ بێجله 11 مانگێک که دیواتر له بارهێ قسیه کهیم یهێ دهولهت سهر وه خۆێ داشتود .فهزاێ ئهمنیهتی حاکم وه شار سنه تنترهو بی یه :
وه ناو خهوهرێک تر له شار سنه هاتیود : رۆژ سێشهمه 5 بههمهن مانگ هاووهخت وهگهرد ئهوپا بی ین مهراسم دهولهتی عهزاداری و له سینگ دان وه خاتر رۆژ ئهربهعین ، فهزاێ ئهمنیهتی حاکم وه ئهو شاره وه تنی ئهمنیهتی یهو بیود . له ناو ئهو رۆژه که له لاێ رژیم ئێسلامی یهو تهعتیل رهسمی ئێعلام بی یه ، دهسگا دهولهتی دهس وه رێخسن دهسهیل له سینگ دهر له ناو شار سنه دایون که ئهو کار کار وهدهسهیل رژیمه وهگهرد بێ ئێعتنایی گشتێ یی مهردم ریووهریو بیود . له لاێ ترهو مهردم و کاسبکارهیل شار بێ ئێعتنا وه مهراسم ناوبریاێ ، جور رۆژهیل لێیهوهر وه کاسبی و رهوال عادی زنهی خۆیان دریژه دایون . له ناو ئهو رۆژهیشه رژیم وه هاوردن نیروهیل دلنگ شهخسی و جلیقهێ زد گۆله له وهر وه سهنگهر گرتن له بان ساختمانهیل بلێن شار سنه فهزاێ ئهمنیهتی شار سنه له جاران ئهمنیهتی ترهو کردیود .
کۆشیان و زهخمی بی ین 3 مامور نیرو ئێنتزامی له گهردهنهێ سهلهوات ئاواێ سنه :
وه ناو خهوهرێک که له شار سنه ولاوهو بیود هاتیاس : رۆژ یهێشهمه 3 بههمهن مانگ 3 کهس وه مامورهیل ئێنتزامی رژیم له ناو یهێ دهرگیری تفهنگ وه دهسانه کۆشیاێ و زهخمی بینه . ئهو ئێتفاقه وهختێک کهفتیود که سهرنشینهیل 2 ماشین که فکر کریایود بار مهشروب دێرن ، نیروهیل ئێنتزامی ئهو شوێن ئهوان کهفن وه له گهردهنهێ سهلهوات ئاوا له ناو یهێ دهرگیری تفهنگ وه دهسانه وه دهر کردن تیر ورهولاێ نیروهیل ئێنتزامی رژیم ، 2 مامور نیرو ئێنتزامی وه ناوهیل سهبا فهتحی خهلک شار سنه وه حسێن جان بهیرانوهند خهلک شار خۆرهم ئاوا کۆشیهن و مامورێک تر زهخمی وه کل کریهێ ئهراێ نهخوهشخانهێ شار سنه . قابل باسه تا ئێگه له هویهت کهسهیل تفهنگ وهدهس دهرگیر وهگهرد نیروهیل ئێنتزامی رژیم خهوهرێک ئهو دهیشت نهێریاس .
گهوراداشت یاد و خاترهێ کارگهرهیل گیان له دهس داێ خاتون ئاوا له شار کامیاران :
وه ناو خهوهرێک که له لاێ سایت کۆمیتهێ هاوئاههنگی ئهراێ کۆمهک وه درس کردن تهشهکۆلهیل کارگهری ولاوهو بی یه هاتیاس : رۆژ دۆشهمه 4 دهیمانگ له وه خاتر گهورا داشت یاد و خاترهێ کارگهرهیل گیان له دهس داێ خاتون ئاوا ، مهراسمێک وه ناو شار کامیاران ئهوپا بی . له ناو خهوهر ولاو بی هاتیود : رۆژ دۆشهمه 4 بههمهن مانگ ، مهراسمێک وه مناسبهت سالرۆژ کۆشتار کارگهرهیل مس خاتون ئاوا وه ههر لێوا له مهحکومیهت دهسگیری و ئهراێ زندان کل کردن چالاکهیل کارگهری له شارستان کامیاران ئهوپا بی . ئهو مهراسمه وهگهرد دهقیقێک بێ دهنگی وه یاد گیان له دهس دایل رێ سوسیالیزم دهس وه کار وه دیواێ ئهوه وهگهرد ئێجراێ سرود ئینترناسیونال ، قسیه و باس یهێ چالاک کارگهری له بارهێ حال و رۆژ چین کارگهر له ئێران ، خوهنین وتار ، شعر وه باس ئازاد دریژه پیا کردیود وه له ناو شور و ئێشتیاق کهسهیل حازر وه ئاخر هاتیود .
پیا بی ین یهێ گور دهسه جهمی تر له شار حهلهبچه :
خهوهر رهسنی پیامنێر وه ئێ باره خهوهر دایود : یهێ گور دهسهجهمی تر له قۆربانهیل رژیم لێیهوهر عهراق له نزیکی شار حهلهبچه دیونیاسهو . شمار قۆربانیهیل دهفن کریاێ له ئهو گور دهسهجهمی یه که له وهخت کار رێسازین مهسیر حهلهبجه خارکهلان دیونیاسهو وه خاتر وه یهکا بی ین سقانهیل وه جی مهنیاێ له کهسهیل قۆربانی ، تا ئێگه دیاری نهکریاس . وه قسیهێ کار وهدهسهیل مهحهلی حۆکومهت حهریم کوردستان باشوور ، ئێحتمال چود ئهو گور دهسه جهمی یه ههر له ئهو کهسهیل قۆربانی بم واران شمیایی شار حهلهبجه له ناو سال 1988 وهلاێ رژیم بهعسهو بود . قابل باسه تا ئێگه 28 گور دهسهجهمی له ئهو مهنتهقه پیا بی یه .
دهسگیریهیل وهرولاو له شار جهوانرو :
وه ناو خهوهرێک که له شار جهوانرو ولاوهو بیود هاتیاس : رۆژ چوار شهمه 29 دهیمانگ نیروهیل ئهمنیهتی و ئێنتزامی رژیم ئێسلامی ، 18 نهفهر له کهسهیل ناسیاێ و خۆشناو ئهو شاره دهسگیر کردیاس . ئهو کهسهیله که تا ئێگه حهتا وهگهرد ئهو شوێن کهفتن خانوادهیلیان ئهراێ زانسن ئێتهامهیل ئهوان له لاێ کار وهدهسهیل رژیمهو زانیاریێک ئهو دهیشت نهیریاس ، دیواێ دهسگیری ئهراێ بازداشتگا ئێدارهێ ئێتلاعات کرماشان له مێدان نهفت ئهو شاره کل کریانه . له وهخت دهسگیری ئهو کهسهیله که وه تهور بهردهوام وهگهرد کهسهیل بفروش مهواد مۆخهدر له ناو شار جهوانرو دهرگیری داشتیون ، وهگهرد مامورهیل رژیم دهرگیری ریو دایود که یهکێک له مامورهیل وه ناو ئهلایاری زهخمی بیود وه کل کریایود ئهراێ نهخوهشخانه وه کرماشان . 3 کهس له کهسهیل دهسگیر بی یانهنه : ئێدریس میر وهیسی ، فاروق کاکایی وه عهبهید میردیگ .
تن بی ین فهزاێ ئهمنیهتی وه سهرکۆت له وهخت هاتن نمایهندهێ خامنهیی ئهراێ شار سنه :
وه ناو خهوهرهیلێک که له شار سنه ئهو دهیشت دریانه هاتیاس : رۆژ شهمه 2 بههمهن مانگ هاووهخت وهگهرد هاتن حسێنی شاهرودی ، نمایهندهێ خامنهیی ئهراێ شار سنه ، فهزاێ حاکم وه ناو ئهو شاره وه تنی ئهمنیهتی و پۆلیسی یهو بی یه . له ناو ئهو رۆژه نیروهیل ئهمنیهتی و دلنگ شهخسی لهوهر له بان فرێک له ساختمانهیل بهرز له خیاوانهیل فردهوسی ، هۆتل جهبار ، مجتهمهێ سروش ، هۆتل هدایهت وه ساختمان دهخانیات سهنگهر گرتیون . بێجله ئهوانه مامورهیل نیرو ئێنتزامی که وهگهرد خۆیان ئهسلهحهیل گهرم و دوربین دار وه جلیقهیل زد گلوله داشتیون وهگهرد فاسلهیل کهم له جی یهیل حهساس شار ، حال و رۆژ ئهمنیهتی له ژێر نهزهر داشتیون . ههر لێوا له ناو پۆست وشکانن نایسر دهس وه وشکانن و تهفتیش ماشینهیل و مهردم دایون . له لاێ ترهو رژیم وه ههدهف خلهتانن ئهفکار ئۆمومی وه بازار گهرمی مهراسم دهولهتی پێشوازی له نمایهندهێ خامنهیی ، شمارێک له بهسیجیهیل و جاشهیل خۆێ له شار سهریش ئاوا وه وهسیلهێ چهن ئۆتوبوس ئهراێ شار سنه هاوردیود . بێجله یانه فرێک له کهسهبهیل شار وه خاتر تهعتیل کردن ئێجباری جی یهیل کهسپ و کار ئهوان وه ژێر فشارهو خسیود . وهلی مهردم وهگهرد بێ ئێعتنایی وه ئهو خوازیار رژیمه ئهراێ جار تر نفرهت و ناراحهتی خۆیان نێسبهت وه له سهر کار مهنن رژیم ئێسلامی وه شرکهت نهکردن خۆێان له مهراسم دهولهتی ناوبریاێ وه نمایش نایون . قابل باسه وه دهلیلهیلێک نادیار حسێنی شاهرودی ، نمایهندهێ خامنهیی له هاتن ئهراێ ناو خیاوانهیل شار خۆێ پیهرزانیود .
جمهوری ئێسلامی نگران ئهوبان چیین تهولید نهفت عهراقه :
ئهحمهد قهلعهبانی مۆدیر ئامل شرکهت ملی نهفت رژیم جمهوری ئێسلامی وهتیاس : فره بی ین تهولید نهفت عهراق تههدیدێک ئهراێ ئێران وه حساو نیهچود وه شهرت یهکه سهرمایهێ کافی ئهراێ سهنعهت نهفت ئێران ئاماده بکریهێ ...خهوهرهیل ئاخر له بارهێ حال و رۆژ کهسهیل دهسگیر بی له شار سنه :
خهوهرهیل رهسیاێ له دریژهێ له زندان هیشتن 2 کهس له کهسهیل دهسگیر بی له مال باوکی حهبیبۆلا لهتیفی له ئێدارهێ ئێتلائات شار سنه وه کل کریان 2 کهس دهسگیر کریاێ تر ئهراێ زندان مهرکهزی ئهو شاره نیشان دێرن . خهوهرهیل رهسیاێ نیشان له یه دێرن 2 کهس له کهسهیل دهسگیر بی له مال باوکی زندانی سیاسی مهحکوم وه ئێعدام حهبیبۆلا لهتیفی وه ناوهیل یهحیا قهوامی وه سهعید ساعێدی جارێک ههم له زندان ئێدارهێ ئێتلاعات رژیم له شار سنه هانه ژێر پرس و جور و شکهنجهیل غهێر ئێنسانی . خهوهر تریش نیشان له یه دێرێ 2 کهس دهسگیر کریاێ تر وه ناوهیل ژیان مۆزهفهری و دهلێر ئێسکهندهریش وه تازهگی ئهراێ زندان مهرکهزی شار سنه کل کریانه .مزاکرهیل کار وهدهسهیل رژیم ئێسلامی ئێران وه گۆرو 5 بێزافهێ 1 بێ هیچ پێشکهفتنێک وه ئاخر هات :
دهمهتهقهیل 2 رۆژهێ ئهتۆمی رژیم ئێسلامی له ئێران وهگهرد نمایهندهیل گۆرو 5 بێزافهێ 1 له ئێستانبۆل تۆرکیه بێ نهتیجه وه ئاخر هات ...یهێ زندانی سیاسی کورد تر وه سالێک زندان مهحکوم بی یه :
دهسگا قهزایی رژیم له شار سنه یهێ زندانی سیاسی کورد وه ناو بهدیع حسێن پهناهی وه جرم کار کردن وه زد ئهمنیهت ملی وه ئهوپا کردن کووهو بی ینهیل ئێعترازی وه ئهو پشت سهر نان سالێک زندان مهحکوم کردیاس . بهدیع حسێن پهناهی که منال ئاوایی قروچای سهر وه شارستان دێگۆلان کوردستانه له حال حازر له زندان قۆروه وه سهر بهێ . ناوبریاێ پارهکه دیواێ شرکهت له کووهو بی ین ئێعترازی له شار سنه که له ئێعتراز وه حۆکم ئێعدام زندانی سیاسی ناسیاێ کورد تر ئهنوهر حسێن پهناهی ئهوپا بی ، دهسگیر کریا . حۆکم ئێعدام ئهنوهر حسێن پهناهی وه خاتر ئێعترازهیل فرهێ مهردمی له ناو و دهیشت کوردستان وه 16 سال زندان گویهریا .
عهف ناوملهتهیل نگرانی خۆێ وه خاتر چارهنویس زهینهب جهلالیان نیشان داس :
سازمان عهف ناوملهتهیل وهگهرد ئهو دهیشت دان بهیانیێک خوازیار رهسیدهگی وه مهسئهلهێ شکهنجهێ وهحشیانهێ زندانی سیاسی کورد مهحکوم وه ئێعدام زهینهب جهلالیان بی یه . له ناو بهیانیهکهێ سازمان عهف ناوملهتهیل وه ئێشاره وه حال و رۆژ نگران کهر ئهو زندانی سیاسی کورده له بارهێ سلامهتی زهینهب جهلالیان وه ئێحتمال ئێجراێ دزیهتی حۆکم ئێعدام ناوبریاێ ، نگرانی وه شێوێک تنوتێژ دیاره . زهینهب جهلالیان چالاک سیاسی و دیوهته کوردێکه که کار وهدهسهیل رژیم ئێسلامی له کوردستان وه جرم هاوکاری وهگهرد حێزبهیل کوردی وه دژمنی وهگهرد نێزام و خۆدا ئهراێ ئهیو حۆکم ئێعدام برینهسهو وه ههر ئان ئێحتمال له دار دریان ئهیو وه داخهوه ههس .
تهزاهرات و ئێعتراز له ناو ولاتهیل ئهرهوی دریژه دێرێ :
هزارهیل کهس له مخالفهیل دهولهت له ولات ئۆردن له نواێ ئهوبان چیین نرخ مهواد خواردهنی وه تهوهرۆم ، له پایتهخت و شارهیل تر ئهو ولاته دهس وه ئێعتراز دایون . کهسهیل مۆعتهرز که ئیوشیهێ له ژێر تهعسیر ئێتفاقهیل لێیهوهر ولات تونس وه شوڕش مهردمی له ئهو ولاته وه ناو خیاوانهیل هاتیون ، خوازیار ئێستعفاێ سهمیر ئهلرهفاعی یهکم وهزیر وه ئهولا چیین ئهندامهیل دهولهت ئهیو بیون ...ئامار کارگهرهیل بیمه بی وه ئۆستان ئیلام ورهو کهمی چون :
راپۆرتهیل رهسیاێ له شار ئیلام له کهم بی ین وهرچاو شمار کارگهرهیل بیمه کریاێ له ئهو شاره وه گشت ئۆستان ئیلام خهوهر دهن . وه ناو ئهو رااپۆرتهیله هاتیود : تهنیا 7 هزار کارگهر خاون کار له جی یهیل سهنعهتی و تهولیدی شار ئیلام تیوهنن له مهزایاێ بیمه ئێستفاده بکهن . یه وه وهختێکه که زیوتر فرهتر له 14 هزار کارگهر وهلاێ خاونکارهیلهو بیمه بیون . له مهجمو گشت کارگهرهیل ئۆستان ئیلام تهنیا 30 هزار کهس له ئهوان له مهزایاێ بیمه ئێستفاده کهن . راپۆرت ولاو بی له دریژه خهوهر دایود وه خاتر حال و رۆژ خراو ئێقتسادی ، فرێک له کارگایل وه مهرکهزهیل سهنعهتی ئۆستان ئیلام یا وهرشکهشت بینه یا تهعتیل و بهسیانه .
ئهوپا بی ین رێپهێمائیهیل ئێعترازی له شار سلهیمانی :
ئێوارهێ رۆژ پهنجشهمه 30 دهیمانگ له شار سلهیمانی له ئێعتراز وه دهرکریان و وه ئێجرا دهر هاتن حۆکمهیل ئێعدام وه زد زندانیهیل سیاسی وهلاێ رژیم ئێسلامیهو ، رێپهیمائییهیلێک ئێعترازی ئهو پا بیود . خهوهرهیل رهسیاێ له شار سلهیمانی نیشان له یه دێرن له ئێعتراز وه دریژه داشتن دهر کریان و وه ئێجرا دهر هاتن حۆکمهیل ئێعدام وه زد زندانیهیل سیاسی له ئێران وهلاێ کار وهدهسهیل رژیم ئێسلامی یهو ، ئیوارهێ رۆژ پهنشهمه 30 دهیمانگ سهدهیل کهس وه کهسهیل روشنفکر ، نویسهرهیل ، رۆژنامه نویسهیل ، چالاکهیل سیاسی ، نمایهندهیل حێزبهیل کوردستانی وه ئێرانیهیلێک که وه باشوور کوردستان وه سهر بهن ، رێپهیمایی ئێعترازی ئهوپا کردن . کهسهیل رێپهیمایی کهر دیواێ کووهو بی ین له نواێ پارک ئهسلی ئهو شاره وهگهرد رێپهیمایی وه داین شۆعارهیلێک له مۆخالفهت کردن وهگهرد دریژه داشتن دهر کریان حۆکمهیل له دار دان وهلاێ کار وهدهسهیل قهزایی رژیم ئێسلامیهو ، خوازیار وه ئاخر هاتیان کارهیل جنایهتکارانهێ کار وهدهسهیل رژیم وه زد چالاکهیل سیاسی وه ئێران بیون .
کهسێک له ئیلام له دار دریا :
واحێد مهرکهزی خهوهر له ئێ باره خهوهر دایود ، دهسگا قهزایی رژیم ئێسلامی له شار ئیلام ، زندانیێک له ناو رۆژ یهێشهمه 3 بههمهن مانگ له زندان مهرکهزی ئهو شاره وه دار کیشاس . کار وهدهسهیل دهسگا قهزایی له ئیلام جرم کهس له دار دریاێ ئهنجام دان خلافهیل عادی کۆمهلایهتی له قهلهم دایون . له ناو مانگهیل لێیهوهر له دار دان کهسهیل زندانی له زندانهیل رژیم ئاخۆندی ئێران وه خاتر درس کردن جهو ترس و وهحشهت وه تنی ئهو بان چی یه جورێک که ئامارهیل نیشان دهن ههر 8 سات یهێ نهفهر له دار دریهێ . ولات ئێران مقام دێم ئێجراکهر حۆکم ئێعدام دیواێ چین له دنیا دێرێ ، قابل باسه جهمعیهت چین که مقام یهکم له دار دان ئێنسانهیل دێرێ نزیک 1 مێلیارد و 300 مێلیونه وه ئێران که مقام دێم دێرێ ، تهنیا 70 مێلیونه . ئامار له دار دان زندانیهیل له ولات ئێران وه ژێر دهسلات رژیم ئاخۆندی له وهختێک ئهوبان چود که له فرێک وه ولاتهیل ئێ دنیا حۆکم ئێعدام قهیخهس وه ئهو حۆکمه وه ئێجرا نیهنێریهێ .
تروسکه وبلاگێکه وه زاراواێ شیرین کوردی کهڵهۆری ، ئۆمێدوارم وه کار کردن له بان ئێ وبلاگه تیوهنسیوم خزمهت بیوچگێک وه هاو زوانەیل ئهزیز کردیوم و بکهم .