راپۆرت
جلالیان وه ناو نویسراوهیل خۆێ که رۆژ سێشهمه 4 ئابانمانگ 1389 له وبسایت خهبهر ئانلاین له چاپ دایود ، نویسایود : جی نشین پتروشیمی و جی نشین بهش وزارهت نهفت ئهراێ جهواو دان له ئێ باره له نیشتن کۆمیسیون ئێنرژی حازر بین ، وهلی جهواوهیل ئهوان نهتیوهنس نمایهندهیل مهجلس رازی بکهێ وه قسیهیل ئهوان قهبوول نهکریا . دیواێ تهحریمهیل یهێ تهرهفهێ دهولهت ئێمریکا وه زد دهولهت ئێران که تهسمیمهیلێک ئهراێ کهم کردن فرهتن بنزین وه ئێران له وهر گرێ ، کار وهدهسهیل رژیم تهسمیم گرتن وهگهردێ گویهرانن کاربهری مجتهمهیل پتروشیمی ، له ئهو کارخانهیله ئهراێ تهلید کردن بنزین وه یه که حهوهجێک وه سهنن بنزین له دهیشت ئێران نیاشتون ئێستفاده کردن . وزارهت نهفت ئێران نزیک یهێ مانگ لێیهوهر ئێدئا کرد دی نیازێک وه سهنن بنزین له دهرهوهێ ئێران نهێرن وه خۆیان تیوهنن بنزین مهسرهف ناوهکی تهولید بکهن . وهلی وه قسیهێ ئهو نمایهندهێ مهجلسه ، نرخ ئهو حهوهجه نیاشتنه ، خهتهر درس کردن ئهراێ سلامهتی مهردم ئێرانه که له ئهو بنزینه ئێستفاده کهن . جهلالیان که نمایهندهێ مهردم شارهیل بهندهر دهیر ، کهنگان وه جهم ێ ئۆستان بوشهر له مهجلسه ، له بارهێ خهتهرهیل ئهو بنزینه نویساس : بو ئهو بنزینه وه یا رشیان ئهو ماده وه بان لهش وه یا دهس و پاێ مهردم بائس درس بی ین نهخۆشی بود وه یه له شرایتێکه که مهردم حهوزهیل ههلوژانن م ، مهردم وه خاتر ئێستفادهێ بنزین له قایقهیلیان مهجبورن ئهو مواده ئهراێ مال خۆیان بهوهن . ئهو نمایهندهێ مهجلسه تهئکید کردیود که تهماس ئهو بنزینه وهگهردێ دهس کهسهیل مهسرهف کهرا فره خهتهرناکه وه ئێ مهوزووه وه شێوهێ جدی له کۆمیسیون وهگهردێ کاروهدهسهیلا وه دهمهتهقه نریاس . جلالیان وه ناو نویسراوهیل خۆی ههر وهێ جوره تهئکید کردیود : ئهگهر ئێستانداردهیل بێهداشتی له تهولید بنزین له مجتهمهیل پتروشیمی رهئایهت بکریهێ ، تهولید ئهو بنزینه له بار ئێقتسادی یهو ئهراێ دهولهت نیهسهرفێ . ئهلبهت تهولید بنزین له مجتهمهیل پتروشیمی له ئهوهلهو مۆنتهقدهیل تریش داشت . یهکێک له تهبیعی ترین ئهسهرهیل ئهو تهرحه ، نوا گرتن له تهولید کردن مهحسولهیل پتروشیمی وه ناو ئهو مجتهمهیله وه له ئاخرهو کهم بی ین ئهو مهواده له ناو بازار بی . وه زانسن یه که مهحسولهیل پتروشیمی ، مهواد سهرهتایی فرێک له کارخانهیلن ، ئهو تهرحه بائس کهم بی ین یا نهوا گرتن له تهولید له برێک تر له سنایه بی . له ئێ باره رۆژ 27 مێهرمانگ خهوهر دریایود شرکهت تایر یهزد وه خاتر نیاشتن مهواد سهرهتایی نیهتیوهنێ وه تهولید خۆێ دریژه بهێ . مادهێ سهرهتایی ئهو کارخانه ، کائوچو مهسنویی یه که له مجتهمهێ خۆمهینی تهولید بود که له حال حازر دێرێ بنزین تهولید کهێ ، ههر ئهو بنزینه که وهتیم مهسرهف ئهوه خهترناکه . ههر وهێ جوره وه ناو رۆژهیل ئهوهل گویهرانن کاربهری مجتهمهیل پتروشیمی ، ئهنجۆمهن سنایهێ رهنگ و رهزین وهگهردێ هۆشدار نێسبهت وه کهمی مهواد پتروشیمی له بازار ئێعلام کردیود : ئهو مهسئهله مشکلهیلێک له بارهێ تهئمین مهواد سهرهتایی ئهراێ شرکهتهیل و کارخانهیل تهولید کهر درس کردیاس .
تروسکه وبلاگێکه وه زاراواێ شیرین کوردی کهڵهۆری ، ئۆمێدوارم وه کار کردن له بان ئێ وبلاگه تیوهنسیوم خزمهت بیوچگێک وه هاو زوانەیل ئهزیز کردیوم و بکهم .