خهوهر
ئهو دهیشت دریان حۆکم له دار دان وهلاێ دادگا نێزامی رژیم جمهوری ئێسلامیهو له شار سنه :
له شار سنه خهوهر رهسیه دادگا نێزامی رژیم وه ئهو شاره وه زد ئهبدۆلا سهروهری خهلک شار سنه وه ئێتهام هیچ و پوچ جاسوسی ، حۆکم له دار دان ئهو دهیشت داس . دادگا نێزامی رژیم ئهبدۆلا سهروهری که زویتر نێزامی بی یه ، دیواێ ئهو دیوا چیین له باشوور کوردستان ئهراێ شار سنه دهسگیر وه وهگهردێ ئێتهام ناراس جاسوسی ریوهریو کردیاس . ناوبریاێ پارهکه ئهراێ کوردستان باشوور چیود که دیواێ ئهو دیوا چیین ئهراێ شار و مال خۆێ وهلاێ مهئمورهیل ئهمنیهتی رژیم جمهوری ئێسلامی یهو له شار سنه دهسگیر بیود . کار وه دهسهیل رژیم جمهوری ئێسلامی له کوردستان رۆژههلات وه تنی هاتوو چووهیل مهرزی کۆنترۆل کهن . بێ خهوهری مهردم کوردستان رۆژههلات له حال و رۆژ و شێوهێ زنهی مهردم وه سیاسهت حۆکومهت حهریم کوردستان باشوور وه بهرنامهیلێکه که کار وه دهسهیل رژیم جمهوری ئێسلامی ئهوه له دهستور کار خۆیان دێرن وه ئهو کهسهیله که چه قانونی وه چه نا قانونی له رۆژههلات ئهراێ باشوور بان له لاێ کار وه دهسهیل رژیمهو ئهو ژێر نهزهر کهفن .
تروسکه وبلاگێکه وه زاراواێ شیرین کوردی کهڵهۆری ، ئۆمێدوارم وه کار کردن له بان ئێ وبلاگه تیوهنسیوم خزمهت بیوچگێک وه هاو زوانەیل ئهزیز کردیوم و بکهم .