زنهی نامه
کاک فۆئاد هاورێ وهگهردێ شمارێک تر له رهفیقهیل و هاو دانشگاهیهیلێ له پاییز سال 1348 سازمان کۆمهلهێ زهحمهتکشان کوردستان ئێران درس کردن . کاک فۆئاد مۆستهفا سۆلتانی وه رهفیقهیلێ له ئهو وهخته که سهرکۆت و خهفهقان رژیم شا له ئێران حاکم بی ، وه شێوهێ چالاک کار ئاگا کردن تودهێ زامهت کیش کوردستان بێ هیچ ترسێک ئهو نوا بردن . کاک فۆئاد سال 1353 له ترهف ساواکهوه دهسگیر وه ئهراێ زندان کێل کریهێ که له زندان ههم رێبهری فرێک وه مۆبارزهیل و ئێعترازهیل ناو زندان وه مل گرێ . مقاومهت کاک فۆئاد له نواێ شکهنجه و ئازار و ئهزیهت نیروهیل ساواک وه فاش نهکردن سر و رازهیل حێزبی وه لهو نیان رهفیقهیل و شێوهێ کار و چالاکی کردن تهشهکۆلهکیان بائس بی که کاک فۆئاد فره زیو ههر له ناو زندانهو بود وه یهکێک له رێبهرهیل ناودار کۆمهله . سال 1357 وهختێک که مۆبارزه و چالاکی مهردم ئێران ئهراێ له ناو بردن رژیم شا وه ئهوج خۆێ رهسی ، کاک فۆئاد له زندان ئازاد بی و جارێک تر هاتهودیوا ئهراێ ناو مهردم کورد وه ئهلحهق ههم مهردم حهق ناس کورد وه خاسی له ئهو رێبهر گهوراێ خۆیانه پێشوازی کردن . کاک فۆئاد دیواێ ئازاد بی ینێ وه زندان فره زیو وه خاتر موقهعیهت و ناوداری خۆێ و کۆمهله تیوهنس نهقش رێبهری مۆبارزهێ ئازادی خوازانهێ مهردم مهریوان وه دهس بگرێ . وه بێ گۆمان یه ههول و تهلاش و زانایی کاک فۆئاد وه هاوریانێ بی که فره زیو کۆمهله له قالب یهێ تهشهکۆل بیوچک وه یهێ سازمان گهورا و ناودار و مۆتمهئن گویهریا وه فرهێ وه مهردم کوردستان ئهراێ دریژه دان وه مۆبارزهێ خۆیان وه کۆمهله ریو هاوردن . کاک فۆئاد دیواێ ئازادی له زندان تهنیا 11 مانگ ژیا ، وهلی له ناو ههر ئهو 11 مانگه کاک فۆئاد دهس وه ئهنجام دان کارهیلێک دا که هیچ وهخت له هیور تاریخ جۆنبش کوردیهو نیهچود . کاک فۆئاد وهگهردێ رهفیقهیل تر خۆێ دهس وه فرموله کردن خوازیارهیل مهردم کورد وه نواێ رژیم تازه وه دهسلات رهسیاێ جمهوری ئێسلامی دا ، کاک فۆئاد له رهد کردن و نه وهتن مهردم کوردستان وه رفراندوم دۆ سۆئالی ئاره یا نهخهیر رژیم ئاخۆندی نهقش وهرچاوێک داشت ، کاک فۆئاد باوهر فرێک وه نهقش تودهیی مهردم داشت ههر وه ئهو خاتره له دامهزرانن جهمعیهته دموکراتیهکان ، تهشهکۆل ژنهیل ، مۆحهسلهیل وه دامهزرانن ئێتحادیهێ جفتیارهیل وه ئێتحادیهێ کارگهرهیل نهقش وهرچاوێک داشت وه هیچ کهس حهتا دۆژمنهکانێ ههم نیهتیوهنێ نهقش کاک فۆئاد له کۆمهله و مۆبارزهێ ئازادی خوازانهێ ملهت کورد ئێنکار بکهێ . نهقش و رێبهری کاک فۆئاد له کۆچ کردن مهردم مهریوان که وه خاتر ئێعتراز وه سیاسهتهیل رژیم ئهنجام گرت بێ گۆمان چشتێ نی یه که له لاپهرهیل جۆنبش ئازادی خوازانهێ ملهت کورد وه رهحهتی گۆم بود . شایهد یهکێک وه دهلیلهیلێک که له کنار زانایی و دهلیری کاک فۆئاد بی وه بائس ناوداری و مهحبوبیهت ئهیو وه ناو مهردم کورد وه کوردستان یه بود وه یه که کاک فۆئاد له ناو خانوادێک فئودال وه نێسبهت دهولهمهن وه دنیا هاتیود وهلی گشت زنهی سیاسی خۆێ سهرف مۆبارزه و چالاکی ئهراێ رهسین مهردم زامهت کیش و فهقیر کورد وه ئازادی و دموکراسی و حهق و حۆقوقهیل ئهوان سهرف کرد وه بێ گۆمان دل پاکی و ئهقیدهیل حۆقوق بهشهری ئێمرویی کاک فۆئاد بائس بی که کاک فۆئاد ئهراێ ههمیشه وه ناو دل مهردم جی بگرێ . سال 58 وهختێک رژیم جمهوری ئێسلامی تیوهنس برێک وه شارهیل کورد نشین وه ژێر سۆلتهێ خۆێ یهو بخهێ مهقهر کۆمیتهێ مهرکهزی کۆمهله وه شار بانه بی وه له ئهو وهخته شار مهریوان وه دهس نیروهیل رژیمهو داگیر بیود وه کار وه دهسهیل رژیم وه شار مهریوان دهس وه دهسگیری فرهێ وه مهردم ئهو شاره دهن وه 9 کهس له ئهندامهیل و هوادارهیل کۆمهله وه ئهو شاره ئێعدام کهن که 2 کهس له کهسهیله وه ناوهیل حسێن و ئهمین مۆستهفا سۆلتانی براێ کاک فۆئاد بین . کاک فۆئاد که ئهو خهوهره ئهشنهفێ له ترس یه که نهکهێ خهوهر ئێعدام ئهو 9 کهسه بائس زهئیف کردن روحیهێ مهردم بود وه تهئسیر مهنفی داشتود وه تهوهجو وه نگرانی رهفیقهکانێ تهسمیم گرێ که ئهراێ روحیه دان و چالاک تر کردن تهشکیلات کۆمهله وه شار مهریوان ئهو دیوا ئهراێ ئهو شاره باێ ، کاک فۆئاد دیواێ ئهنجام دان کارهکانێ له شار مهریوان وهختێک ئهو دیوا هاتن ئهراێ شار بانه له نزیکی ئابادی بستام له ناوێن شارهیل بانه و سهقز وهگهردێ نیروهیل داگیر کهر جمهوری ئێسلامی دهرگیر بود که وه داخهوه له ناو ئهو شهره کاک فۆئاد مۆستهفا سۆلتانی گیانێ له دهس دهێ وه وه کاروان شههیدهیل کۆمهله و کوردستان ئێزافه بود . یاد و خاترهێ کاک فۆئاد مۆستهفا سۆلتانی ئهو رێبهر ناودار کۆمهله و کورده ههر بهرز و گرامی بود .
تروسکه وبلاگێکه وه زاراواێ شیرین کوردی کهڵهۆری ، ئۆمێدوارم وه کار کردن له بان ئێ وبلاگه تیوهنسیوم خزمهت بیوچگێک وه هاو زوانەیل ئهزیز کردیوم و بکهم .